Мары

 

Аб чым мараць дзеці

На ўсёй планеце?

 

Мараць дзеці ўсёй Зямлі,

Што нідзе няма вайны,

Жывуць людзі ўсе ў згодзе

І не думаюць аб шкодзе.

Садзяць, сеюць, убіраюць,

І ва ўсім парадак знаюць.

Добрым словам прывітаюць

І дабранач пажадаюць.

Ладна дзеткам там жывецца,

Дзе рачулка ласка льецца.

 

Марыць хлопчык і дзяўчынка,

Мараць кожную хвілінку,

Каб у кожнага былі

Паважаныя бацькі.

«Тата з мамай сябраваў,

Нас у крыўду не даваў,

А яшчэ хачу таксама,

Каб мая нарэшце мама,

Мне сястрычку падарыла,

Альбо браціка купіла»,−

Кажа хлопчык невялічкі

Апусціўшы вочы нічкі.

 

 

Мараць дзеці на планеце,

Каб прамчацца на ракеце,

Праляцець на самалёце,

І адчуць сябе ў палёце.

На вялізным караблі

Абысці ўвесь шар зямны.

• Што гэта за Афрыка,

Не спужаеш марака,

Ці жыве тут Бармалей,

Які есць малых дзяцей?

• А ці праўда, што ў кіта

Трыццаць метраў даўжыня?

Папытаю ў Антарктыдзе,

Калі лайнер наш падыдзе:

• І чаму гэта пінгвіны,

Не ляцяць, хоць маюць крылы?

Да Аўстраліі звярну

І спытаю, як змагу:

• Куды скача кенгуру,

Мае ён сваю нару?

Шмат пытанняў ёсць у нас

Паспрабуйце даць адказ.

 

Мараць дзеці на Зямлі,

Бо маленькія яны.

 

• Каб дарослым хутчэй стаць,

Многа грошай зарабляць,

Цацак цэлую гару,

Я тады купіць змагу.

А яшчэ хачу цукерак,

Розных гумак і паперак,

Каб дазволу не пытаць

І на вуліцы гуляць.

І каб мама перад сном

Пачытала казку зноў,

Пра разумнага катка ,

Ці зладзея-павука,

Ці яшчэ аб чым-нібудзь,

Каб лягчэй было заснуць.

 

• Мы з дзядулем дружбакі,

Будзем ездзіць на кані.

Будзем мчацца цераз поле,

Пераскакваць цераз горы,

Аж да мора Чорнага −

Гэта мара кожнага.

А калі ўжо на золку,

Гэта скончыцца вандроўка,

Каб бабуля на сняданак,

Напякла такіх аладак

З макам, з мёдам і з варэннем,

Што сакочуць на патэльні.

І так хочуць у рот папасці −

Паспявай туды іх класці,

Каб наеўся пуз-гарбуз,

І падужаў карапуз.

 

Мараць дзеці

Ва ўсім свеце,

Каб у кожнага былі

Свае лепшыя сябры.

Калі з Машай мы гуляем,

То аб часе забываем.

Разам ладзім, выдумляем,

Ці карцінкі выразаем.

Калі ў госці прыдзе Жэня,

То ў машыне мы паедзем,

Будзем грузы мы вазіць,

Калі трэба тармазіць.

Завітаецца Аленка,

Ну зусім яна паненка,

У зялёным сарафане

Лялькай сядзе на дыване.

Лепшы сябар мой − Андрэйка,

У яго была наклейка,

• На вазьмі яе, дружбак,

Мне не шкода аніяк.

Вось дык Саша, вось дзівак,

У руцэ яго пятак

Хоча ён купіць адразу

Усім хлопцам па КамАЗу

І дзяўчунак не забыць,

Ляльку кожнай падарыць.

Марыць Каця-Кацярынка,

Вельмі добрая дзяўчынка,

Каб дазволілі бацькі

Кацянятка прынясці:

• Будзем разам мы гуляць,

Есці, мыцца, нават спаць,

Толькі будзьце так ласкавы

Не выкідвайце маляву!

 

 Калі добра прыглядзецца,

То відаць куды імкнецца

Непаўторная душа

Непаседы-малыша

І дарослы чалавек

Летуценняў носіць мех,

Ды не хоча ў тым прызнацца,

Кабысь не расчаравацца.

 

1996г.