Саюз пісьменнікаў Беларусі, прывітанне!
- dan-sam0
- 23 дек. 2018 г.
- 1 мин. чтения
23 лістапада 2018 года мяне прынялі ў Саюз пісьменнікаў Беларусі з кнігай прозы "...Кранаючы неба рукамі". У гэты зборнік увайшлі наступныя творы: дэтэктыўны раман з аднайменнай назвай, аповесці "Практыка", "Бурштынавыя валасы", апавяданні "Чацвёртая вышыня", "Інга", "Гэта было ў 1984-м...", Мастачка" і іншыя.
Асноўная дзея ў рамане "...Кранаючы неба рукамі" адбываецца ў горадзе Горкі Магілёўскай вобласці, менавіта тут жывуць галоўныя героі, ходзяць па вуліцах райцэтра, прыпамінаюць конкурс прыгажосці "Міс Зачараванне" на якім загінула адна з удзельніц, вядуць расследаванне.
Іншыя творы змешчаныя ў зборнік таксама звязаны з Магілёўшчынай. Гэта і гарадскі пасёлак Круглае (апавяданні “Чацвёртая вышыня”, “Апошнія грошы”, “Адам”), дзе доўгі час жыла пісьменніца і Жыліцкі саўгас-тэхнікум Кіраўскага раёна (аповесць “Практыка”) з яго кіраўніком Герасімовічам Валянцінам Адамавічам.
Апісаныя ў творах падзеі адбываюцца ў дзевяностых гадах мінулага стагоддзя і ў наш час.
Калі вас зацікавіла гэтае выданне запрашаем на прэзентацыю кнігі, якая мае адбыцца 5 траўня 2019 года ў Горацкім краязнаўчым музеі.
